चंद्रपूर जिल्हा सामान्य रुग्णालयातील वादग्रस्त डॉ भास्कर सोनारकर यांची बदली करा
ऑगस्ट १९, २०२०
0
चंद्रपुरच्या सामान्य रुग्णालयाचे अधीक्षक डॉ. भास्कर सोनारकर यांच्याविरुद्ध नगरसेवक पप्पू देशमुख यांनी आरोग्य मंत्री राजेश टोपे यांच्याकडे तक्रार केलेली आहे.गत 6 महिने पगारापासून वंचित असलेल्या कंत्राटी कामगारांना डॉ. सोनारकर दहशतीखाली ठेवतात,त्यांना सतत कामावरून काढण्याची धमकी देतात व काहीही कारण नसताना बेकायदेशीरपणे कामावर सुद्धा काढतात.तसेच महिला कामगारां सोबत असभ्य वर्तन करतात अशा तक्रारी आजपर्यंत झालेल्या आहेत. वैद्यकीय महाविद्यालयाचे अधिष्ठाता किंवा इतर वरिष्ठ सहकारी तसेच इतर कर्मचारी यांना सुद्धा डॉ. सोनारकर जुमानत नाही. त्यांच्या विरोधात सामान्य रुग्णालयात मोठा असंतोष आहे. परंतु राजकीय पाठबळ असल्यामुळे त्यांच्या विरुद्ध कोणी बोलण्यास धजावत नाही. त्यांची चंद्रपुरातील कालमर्यादा संपलेली असताना सुद्धा केवळ राजकीय पाठबळाच्या भरवशावर त्यांना येथे ठेवण्यात आलेले आहे.
Tags