Hot Widget

Type Here to Get Search Results !

Subscribe Us

आज चंद्रपूर मध्ये 30 कोरोना बाधितांची नोंद




चंद्रपूर : चंद्रपूर जिल्ह्यात आतापर्यंत 816 कोरोना बाधित उपचाराअंती बरे झालेले असून त्यांना सुटी देण्यात आली आहे. जिल्ह्यातील एकूण बाधितांची संख्या आता 1195 झाली आहे. गेल्या 24 तासात 30 बाधित पुढे आलेले आहेत. सध्या उपचार घेणाऱ्या बाधितांची संख्या 368 झाली आहे.

बाहेरून येणाऱ्या नागरिकांनी स्वतःहून चंद्रपूर शहरातील शकुंतला लॉन येथे जावे तसेच तालुक्याच्या ठिकाणी उपजिल्हा रुग्णालय, ग्रामीण रुग्णालयात जाऊन स्वतः नोंदणी व आरोग्य तपासणी करून संस्थात्मक अलगीकरणात रहावे. स्वतः आणि कुटुंबाला सुरक्षित ठेवण्यासाठी संस्थात्मक अलगीकरण महत्वाचे आहे. संस्थात्मक अलगीकरणात आरोग्यविषयक सर्व सुविधा व काळजी घेण्यात येत आहे, असे आवाहन जिल्हा प्रशासनाने केले आहे.

आज पुढे आलेल्या बाधितांमध्ये चंद्रपूर शहरातील 13 बाधितांचा समावेश आहे. यामध्ये एसीडब्ल्यू कॉलनी परिसरातील, बोरकर नगर परिसरातील, भानग्राम वार्ड, मल्हारी बाबा सोसायटी परिसरातील, बालाजी वार्ड नंबर 2, चव्हाण कॉलनी परिसरातील, पंचशील चौक, बाबुपेठ परिसरातील बाधित पुढे आले आहेत.


राजुरा येथील दोन बाधीत ठरले आहेत. कोरपना तालुक्यातील व चिमूर तालुक्यातील प्रत्येकी दोन बाधित पुढे आलेले आहेत. भद्रावती येथील शास्त्रीनगर व राहुल नगर परिसरातील प्रत्येकी एक बाधीत पुढे आलेले आहेत.

बल्लारपूर येथील एका बाधिताचा अहवाल पॉझिटिव्ह आला आहे. ब्रह्मपुरी विद्या नगर येथील एक तर तालुक्यातील वायगाव येथील दोन बाधित ठरले आहेत. नागभीड येथील एक तर तालुक्यातील कन्नाळ गाव येथील तीन व चिखलगाव येथील एक असे एकूण पाच बाधित पुढे आलेले आहेत.


जिल्ह्यात 20 हजार 765 नागरिकांची अँन्टीजेन तपासणी केलेली आहे. यापैकी 290 पॉझिटिव्ह असून 20 हजार 475 निगेटिव्ह आहेत. आतापर्यंत जिल्ह्यात 93 हजार 606 नागरिक दाखल झालेले आहेत. जिल्ह्यामध्ये 1 हजार 115 नागरिक संस्थात्मक अलगीकरणात आहेत. 1 हजार 663 नागरिक गृह अलगीकरण प्रक्रियेत आहेत.

वयोगटानुसार कोरोना बाधितांची संख्या:

जिल्ह्यातील बाधितांची संख्या 1 हजार 195 झाली आहे. यापैकी 0 ते 5 वर्षे वयोगटातील 25 बाधित, 6 ते 18 वर्ष वयोगटातील 94 बाधित, 19 ते 40 वर्षे वयोगटातील 686 बाधित, 41 ते 60 वर्षे वयोगटातील 291 बाधित, 61 वर्षावरील 69 बाधित आहेत. तसेच 1 हजार 195 बाधितांपैकी 823 पुरुष तर 372 बाधित महिला आहे.

राज्याबाहेरील, जिल्ह्याबाहेरील व जिल्ह्यातील कोरोना बाधितांची संख्या:

1 हजार 195 बाधितांपैकी जिल्ह्यातील 1081 बाधित असून जिल्ह्याबाहेरील 42 बाधित आहेत. तर राज्याबाहेरील बाधितांची संख्या 62 आहे.

टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies